til Calpe

Þekktasta kennileiti Calpe, er hinn undurmagnaði risasteinn sem stendur í útjaðri bæjarins og ber sama nafn. Það er erfitt að finna fallegri strendur en í Calpe, þetta er fullkominn staður til að njóta spænskra lystisemda.

Gamli bærinn í Calpe er einstaklega fallegur. Hann er staðsettur efst í nokkuð brattri brekku, fyrir ofan helstu verslunargötu bæjarins. Leiðina að gamla bænum er mjög einfalt að finna. Þröngur stígur liggur upp frá verslunargötunni og við enda hans gengurðu beint inn í gamla tíma, með steinlögðum götum, fallegum kirkjum, litlum söfnum og krúttlegum veitingastöðum. Hvar sem þú kemur mæta þér brosandi andlit, og þarna er tilvalið að setjast niður og slaka á í fallegu umhverfi, og sötra á svalandi sangríu eða öðrum góðum drykk.

Steinninn í Calpe (Calpe Rock), er stórt og ansi áberandi náttúruundur, sem laðar til sín fjölda gesta hvaðanæva að. Óvenjuleg eldgosamyndun olli því að þessi sérstaki klettur myndaðist og kom sér tignarlega fyrir út við hafið. Ýmsar leiðir eru í boði til að njóta steinsins risavaxna. Hægt er að fara í rólega göngu upp við steininn, en einnig geta þeir sem djarfari eru klifrað hann að hluta.

Hvað er innifalið í ferðinni

Flug

Beint flug með innritaðri 20 kg tösku og handfarangri

Brottför

Brottför frá Keflavík 30 apríl 12:00

Heimkoma

Brottför frá Alicante 3 maí 16:00

Gisting

3 nætur á 4ra stjörnu hóteli. Innifalið er morgunverður og wi-fi.

Rútur

Rútuferðir til og frá flugvelli

Farastjórn

Hægt er að óska eftir gegn vægu gjaldi

Hvað er hægt að gera í Calpe

Rölta að Calpe Rock og njóta útsýnisins

Heimsæka gamla bæinn í Calpe

Labba með strandgötunni og prófa einhvern af fjölbreyttum veitingarstöðum þar

Heimsækja fiskimarkaðinn - athugið að hann er bara opinn á kvöldin

Borða á einum af frægu sjávarréttarstöðum Calpe

Tana á ströndinni, synda í tærum sjó og sötra svalandi kokteil

Hótel

Hotel Bahía Calpe by Pierre & Vacances
****

Glæsilegt 4ra stjörnu hótel í miðbæ Altea. Stutt ganga er í miðbæ Calpe og fær hótelið góða dóma fyrir staðsetningu. Ströndin er í 2 mínútna göngu frá hótelinu. Á hótelinu má finna flotta veitingarstað, innisundlaug, sauna, líkamsræktaraðstöðu og heilsulind.

Hótelið fær heildareinkunina 8,3 og 9,4 fyrir staðsetningu á booking.com