Borgin Gent er hluti af flæmska hluta Belgíu, og þriðja stærsta borg landsins, með rúmlega 260.000 íbúa. Hún gekk í gegnum mikinn gullaldartíma á miðöldum og þótti um langt skeið ein af ríkustu og valdamestu borgum Evrópu. Þótt mikilvægi hennar og yfirburðir hafi minnkað með tíð og tíma, stendur eftir vel varðveittur miðalda arkitektúr sem gerir Gent að meiriháttar áningarstað. Hér er einhver dásamleg blanda af kraumandi stórborgarstemmingu og afslöppuðu dreifbýlisandrúmslofti.  Við þá gullfallegu umgjörð sem byggingar, stræti, brýr og torg skapa, má bæta hágæða veitingasenu, góðum drykk, sjarmerandi krám og alls kyns skemmtun. Útkoman  getur  ekki  klikkað.

Það er rétt eins og að spila ,,ugla sat á kvisti“ að benda á eina byggingu fram yfir aðra í Gent. Glæsihýsi tignarfólks og kaupmanna þess tíma, kirkjur og aðrar byggingar eru einstaklega vel varðveittar og miðbærinn allur í sjón eins og hér standi enn hið blómlega borgríki síðmiðalda sem áður var. Gravensteen kastalinn er magnað virki frá árinu 1180 sem rís tignarlega yfir bænum og veitir frábært útsýni í allar áttir. Þá höfum við hina 1000 ára gömlu Bavo kirkju, St. Nicholas kirkju og St. Elisabeth kirkju, báðar frá 13. öld. Og fleiri og fleiri! Gent er sannkölluð veisla fyrir öll skilningarvit og óhætt að hvetja alla til að kíkja þangað í heimsókn. Við lofum ógleymanlegri ferð!