til Lissabon 19. apríl - 22. apríl 2024
Hvítar kalksteina- byggingar setja svip sinn á borgina, ásamt litlum göngugötum og húsasundum, iðandi mannlífi og elskulegu viðmóti gestgjafanna. Það er gott að vera í Lissabon, sem er að verða einn af vinsælustu áfanga-stöðum í Evrópu.
Lissabon er ein af elstu borgum heims, og þar má finna menjar allt frá 2. öld fyrir Krist, auk þess sem byggingar frá hinum ýmsu tímaskeiðum í sögu og stíl prýða borgina.
Í dag blómstrar Lissabon sem aldrei fyrr. Hún er ekki einungis falleg, hún er sannkölluð heimsborg, sem lætur til sín taka á flestum sviðum, hvort sem er í viðskiptum, menningu og listum, nútímatækni eða ferðaiðnaði. Um leið er hún aðallífæð Portúgals, héðan er landinu stjórnað og hér er t.d. miðstöð allra helstu samgangna sem teygja si g vítt og breitt um landið.
Í Lissabon er af nægu að taka, og allir ættu að finna eitthvað við sitt hæfi, hvort sem áhuginn snýr að sögulegu efni eða lífsins nautnum, góðum mat, skemmtun og almennri gleði.
Borgin er eina höfuðborg Evrópu sem staðsett er við strendur Atlantshafs. Hún stendur við árósa Tejo árinnar og rís þaðan, með öllum sínum fjölbreyttu hverfum, upp í landið. Eins og stórborg sæmir eru samgönguleiðir margar, og sumar hverjar mjög áhugaverðar, eins og að fara með bát meðfram ánni og njóta útsýnis þaðan. Annar skemmtilegur fararskjóti er toglestin Tram 28, en hún er ein af þremur upprunalegu lestum í leiðarkerfi borgarinnar (frá því í kringum 1936-1947) og gengur frá Gamla bænum og um helstu kennileiti og einstaka staði Lissabon. Leiðin er hæðótt og ekki farið hratt yfir, enda klárinn orðinn æði fullorðinn, en að sitja hann er sannarlega þess virði.
Hvað er hægt að gera í Lissabon?
Gönguferð gegnum hið fallega hverfi Alfama og upp að kastala St. Georgs (Castelo de São Jorge). Dágóður spotti en borgar ríkulega til baka.
Fáðu þér að borða á LX Factory sem staðsett er í yfirgefnu iðnaðarhverfi en hefur verið umbreytt í mjög hip og kúl veitingastað og menningarsetur.
Dans og djamm finnurðu ansi víða. En risaklúbburinn Lux / Frágil
er alveg magnaður skemmtistaður sem vert er að tékka á.
Belém hverfið er eins og sagt er "must see" en þar er að finna mikið af merkilegum minnisvörðum og gömlum byggingum.
Ponte 25 de Abril
er systurbrú San Francisco brúar og hönnuð af sama arkitekt árið 1966.
Hvað er innifalið í ferðinni
Flug
Beint flug í áætlun með Play, farangurstaska allt að 20kg og léttur handfarangur. Fluglengd 4,5 klst
Brottför
Brottför föstudaginn 19. apríl kl 15:10 frá Keflavík og lent í Lissabon kl 20:45.
Heimför
Heimför mánudaginn 22. apríl kl 21:30 frá Lissabon og lent í Keflavík kl 00:55+
Gisting
3 nætur á 4-5 stjörnu hóteli
Innifalið er morgunverður, borgarskatturinn og wi-fi.
Rútur
Rútuferðir til og frá flugvelli upp á hótel, akstur 20-25 mín
Farastjórn
Einn óendanlega hjálpfús og skemmtilegur fararstjóri frá Tripical.
Ferðalottó-Tripical
Við viljum magna upp stemninguna fyrir brottför með því að draga út heppin pör/einstakling sem fá óvæntan glaðning frá Tripical í ferðinni.
Hótel
****
SANA Metropolitan Hotel er staðsett nálægt Praça de Espanha og í aðeins 5 mínútna akstursfjarlægð frá Marquês de Pombal-torgi. Það býður upp á herbergi með setusvæði, baðherbergi og flatskjásjónvörp.
Á SANA Metropolitan er boðið upp á sólarhringsmóttöku og viðskiptamiðstöð. Einnig er boðið upp á þvotta- og fatahreinsunarþjónustu.
Astrolábio veitingastaður hótelsins býður upp á úrval af portúgölskri og alþjóðlegri matargerð, bæði í hlaðborðsstíl og à la carte.
SANA Metropolitan Hotel býður upp á fundarherbergi og viðburðasvæði.
Sögulegi miðbærinn er í aðeins 5 mínútna akstursfjarlægð. Bílaleiga er í boði á gististaðnum.
Hótelið fær heildareinkunina 8,6 og 8,0 fyrir staðsetningu á booking.com
Verðin
159 990 kr
á mann í tvíbýli
35 000 kr
aukagjald í einbýli
Hótel
SANA Malhoa Hotel****
SANA Malhoa Hotel er á frábærum stað, á milli viðskiptahverfisins og sumra af þekktustu kennileitum Lissabon, og býður upp á hinn fullkomna valkost fyrir alla ferðamenn, í viðskiptum eða tómstundum. Praça de Espanha-neðanjarðarlestarstöðin, El Cortes Inglês-verslunarmiðstöðin og Calouste Gulbenkian-safnið eru í aðeins 5 mínútna göngufjarlægð.
Öll herbergin og svíturnar eru innréttuð og hönnuð í nútímalegum stíl til að tryggja þægindi og vellíðan, með ókeypis Wi-Fi aðgangi meðal annars. Samskiptaherbergi eru í boði fyrir fjölskyldur sé þess óskað.
Nýi Mediterrâneo veitingastaðurinn með hitabeltis-nýlendustemningu og náttúrulegri lýsingu býður upp á yndislegt morgunverðarhlaðborð, hádegismat og kvöldmat. Einnig er boðið upp á herbergisþjónustu allan sólarhringinn. Barin er með yfirbyggða verönd með náttúrulegum hangandi garði en þar er tilvalið rými til að vinna eða einfaldlega slaka á, nýta sér snarl matseðilinn, með klassískum og töff kokteilum
Fyrir eða eftir annasaman dag er gestum boðið í sæluferð á SAYANNA WELLNESS & SPA - með 3 meðferðarherbergjum, slökunarherbergi, gufubaði, eimbað, nuddpotti og fullbúnu líkamsræktarherbergi.
SANA Malhoa Hotel er í innan við 5 mínútna göngufjarlægð frá Praça de Espanha-neðanjarðarlestarstöðinni. Það er innan við 15 mínútna akstursfjarlægð frá flugvellinum í Lissabon.
Hótelið fær heildareinkunina 8,7 og 8,2 fyrir staðsetningu á booking.com.
Verðin
164 990 kr
á mann í tvíbýli
40 000 kr
aukagjald í einbýli