til München
17. október til 20. október &
18. október til 21. október 2024

Munchen er ekki ósvipuð Berlín í skipulagi, þetta er stór borg með mörgum hverfum sem hvert og eitt hefur sitt eigið aðdráttarafl, sinn eigin sjarma. Hér er því úr mörgu að velja og þú getur ráðið hvernig þú vilt hafa ferðina þína.

Nafn borgarinnar er úr forn-þýsku, og þýðir "Hjá munkunum", þar sem vísað er í klaustur sem fyrr á öldum reis þar sem miðbærinn stendur nú. Munchen er þriðja stærsta borg Þýskalands, og þar búa um ein og hálf milljón manns. Lífsgæði þykja með þeim bestu í Evrópu, ef ekki heiminum öllum. Borgin er miðpunktur menningar og lista, menntunar, vísinda, tækninýjunga og viðskipta á heimsvísu. Sögulegar byggingar, stórir íþróttaviðburðir og hátíðir af ýmsu tagi, þ.á.m. hið árlega Október bjórfestival, trekkir að ferðamenn í miklum mæli, og munkaborgin verður stöðugt vinsælli áfangastaður forvitinna ferðalanga.

Það er gaman að upplifa mismunandi stemmingu borgarhverfanna. Ef rennt er lauslega yfir þau helstu, þá höfum við miðbæinn, Altstadt-Lehel, með elstu byggingunum, og flestum myndavélum á lofti. Þá höfum við Schwabing, sem er trendý og töff, með fullt af flottum kaffihúsum og börum, gallerýum og tískuverslunum. Hverfið Au-Haidhausen er einna villtast, þar finnurðu líflega klúbba og bari sem opnir eru fram undir morgun. Ef leitað er eftir rólegheitum, göngu í fallegu umhverfi, með viðkomu til dæmis í skemmtilegri ísbúð, er gott að fara í Neuhausen-Nymphenburg og njóta dagsins þar.

Hvað er hægt að gera í München

Odeonsplatz er virðulegt torg umkringt glæsibyggingum

New Jewish Center er flottur og fræðandi staður um menningu og trúarlíf gyðinga

BMW safnið er frábært fyrir bíla- og tækniáhugafólk, og alla aðra reyndar líka

Barokkhöllin Nymphenburg og hallargarðurinn í kring er dásamlegur staður

Ráðhúsbyggingin Maximilianeum er ansi stórbrotin

Hofbräuhaus - þekktust og flottust af mörgum flottum bjórhöllum borgarinnar

Hvað er innifalið í ferðinni

Flug

Beint flug til og frá Munchen með Icelandair í áætlunarflugi innrituð 23kg taska ásamt 10kg handfarangri.

Flugtími er um 4 klst

Brottför

Brottför 1:

Flogið á fimmtudeginum 17. október frá Keflavík

kl. 07:20, lent í Munchen kl. 13:05.

Brottför 2:

Flogið á föstudeginum 18. október frá Keflavík

kl. 07:20, lent í Munchen kl. 13:05.

Heimför

Heimför 1:

Flogið á sunnudeginum 20. október frá Munchen kl.14:05, lent í Keflavík 16:00.

Heimför 2:

Flogið á mánudeginum 21. október frá Munchen kl.14:05, lent í Keflavík 16:00.

Gisting

3 nætur á 4 stjörnu hótel, innifalið er morgunverður.

Rútur

Rútur til og frá flugvelli 20 - 30 mín

Íslensk farastjórn

Einn óendanlega hjálpfús og skemmtilegur fararstjóri frá Tripical.

Ferðalottó Tripical

Við viljum magna upp stemninguna fyrir brottför með því að draga út

heppið par/einstakling sem fá óvæntan glaðing frá Tripical

Hótelið

Maritim Hotel München
****

Maritim Hotel München er staðsett miðsvæðis, í aðeins 300 metra fjarlægð frá aðallestarstöðinni í München.

Alþjóðlegur matur er framreiddur daglega á veitingastaðnum Rôtisserie á Maritim. Á kvöldin býður Píanóbarinn upp á þýskan bjór, eðalvín og lifandi tónlist.

Öll herbergin á Maritim Hotel München eru með nútímalegt baðherbergi með ókeypis snyrtivörum og gervihnattasjónvarp. WiFi er í boði hvarvetna á hótelinu án endurgjalds.

Maritim Hotel München býður upp á gufubað og líkamsrækt sem gestir geta notað gegn aukagjaldi.

Oktoberfestsvæðið Theresienwiese er í 10 mínútna göngufjarlægð frá hótelinu. Neðanjarðar- og S-Bahn-lestir frá aðallestarstöðinni í München veita tengingar við alla hluta borgarinnar.

Hótelið fær heildareinkunn 7,8 og 8,5 fyrir staðsetningu á booking.com