Helsinki

Helsinki sem kölluð hefur verið Dóttir Eystrasaltsins er þekkt fyrir stórfenglegan arkitektúr ekki síður en hönnun sem hefur haft áhrif um allan heim.

Ekki skemmir að borgin er ennfremur þekkt fyrir góða veitingastaði þar sem hráefnið kemur úr nærumhverfinu, eftir árstíðum og sjálfbært. Fyrir finnum er þetta "way of life"

Margir sem ferðast um Norðurlönd láta Helsinki fram hjá sér fara sem er bæði synd og skömm en um leið blessun þar sem þeir sem heimsækja borgina losna við troðning alltof margra ferðamanna og ná betur að njóta hennar með öllum sínum skemmtilegu skringilheitum.

Finnar sem þekktir eru fyrir allt annað en að vera of málglaðir hafa ástríðu fyrir Finnskum Tango sem er ekki það sama og Argentískur Tango. Það er varla hægt að koma til Finnlands án þess að fara í saunu, svo samofin er hún lífi heimamanna, heilsusamlegt fyrir bæði líkama og sál.

Hvað er innifalið í ferðinni

Flug

Beint flug með Icelandair, 1 innritaðri 23 kg tösku og handfarangur

Brottför

Brottför 3. september frá Keflavík kl. 07:30, lent í Helsinki

kl. 13:55

Heimför

Heimför 6. september frá Helsinki kl. 18:20, lent í Keflavík kl. 18:45

Gisting

3 nætur á 4ra stjörnu hóteli. Innifalið er morgunverður og wi-fi.

Rútur

Rútuferðir til og frá flugvelli í Helsinki

Farastjórn

1 skemmtilegur og óendanlega hjálpfús fararstjóri.

Hvað er hægt að gera í Helsinki

Klettakirkjan er afar sérstök lúthersk kirkja í Helsinki og einstök listfræðileg hönnun. Kirkjan var grafin úr gegnheilum klettavegg og byggð neðanjarðar undir miklu hvolfþaki.

Uspenski dómkirkjan er mikil og reisuleg bygging sem gnæfir yfir sjónlínu Helsinki við hafnarbakkann. Ásamt auðkenndu hvítu lúthersku dómkirkju borgarinnar er Uspenski kirkjan eitt af helstu kennileitum Helsinki.

Nútímalistasafnið Kiasma í Helsinki sýnir það allra besta í finnskri nútímalist með reglulegum og síbreytilegum sýningum svo gestir koma iðulega aftur og aftur.

Suomenlinna er mikið virki sem Svíar reistu á nokkrum eyjum rétt fyrir utan Helsinki og þýðir nafn þess finnski kastalinn.

Í matargerð leggja Finnar áherslu á staðbundnar afurður og sjálfbærni í landbúnaði þar sem árstíðarbundnar afurðir njóta sín best. Í Finnlandi er nóg framboð af villibráð og ferskum sjávarafurðum ásamt villtum berjum og skógarsveppum sem finnsk matargerð nýtir á fjölbreyttan hátt.

Á hafnarsvæðinu er alltaf eitthvað gerast, bílasýningar, markaðstorg, siglingar og margt fleira.

Hótel

Radisson Blu Alexanderi Hotel
****

Hótelið er á æðislegum stað stutt frá jólastemningunni. Ekta finnskt andrúmsloft, og auðvitað er sauna á hótelinu sem svíkur engan. Girnilegt morgunverðarhlaðborð kemur deginum af stað. Að degi loknum er stemningin á hótelinu svo kósí að gestirnir sofna með bros á vör.

Ekta skandinavísk umgjörð og stutt á marga flotta veitingastaði.

Hótelið fær heildareinkunn 8,7 og 8,8 fyrir staðsetningu á booking.com