Til Lake Como
22.-25. september 2023

Það hefur ávallt fylgt Como vatni á Norður-Ítalíu viss glæsileiki, elegans og smekkleg-heit. Töfrandi staður með glæsta sögu sem nær allt til tíma Rómarveldisins.  

Como er þriðja stærsta vatn Ítalíu, og einn vinsælasti ferðamannastaður landsins. Vatnið hefur allt frá tímum Rómverja verið vinsæll dvalarstaður ríkra auðmanna. Á endurreisnartímanum risu þar miklar glæsi-byggingar sem sumar hverjar standa enn og eru opnar almenningi til að skoða, dást að og njóta. Umhverfis vatnið eru lítil þorp og bæir sem allir eiga sína sögu og sjarma, og þar á bak við stíga tignarleg fjöll til himins og sveipa umhverfið ævintýralegum blæ. Sjálft vatnið kristaltært er sjónarspil út af fyrir sig, og æðisleg umgjörð fyrir hina fullkomnu siglingu. Þannig geta gestir t.a.m. tekið ferju 
milli þorpanna, og sem dæmi skoðað bæinn Bellagio (oft kallaður ,,perlan“), gengið þar þrönga stíga og skoðað blómlega garða. Glæsihúsin eru mörg, en til dæmis hægt að mæla með heimsókn í Villa Carlotta sem er einstök bygging frá 17.öld sem nú hýsir safn af sígildum og sögufrægum listaverkum. Þá eru stórkostlegar kirkjur ófáar við vatnið, sem dæmi má nefna hina mögnuðu barokk kirkju heilags Jakobs. Svo má líka gleyma sér í verslunarferðum eða taka góða slökun á ströndinni. Como vatn dekstrar þig á þann hátt sem þú hefur ekki upplifað áður.

Hvað er hægt að gera við Como-vatn?

Viltu góða gönguferð? Sentiero del Viandante er merkt gönguleið meðfram vatninu. 
Viltu létta fjallgöngu? Í fjöllunum kringum vatnið er mikill fjöldi gönguleiða, og útsýnið engu líkt!
Viltu versla? Í bænum Como er úrval verslana og veitingastaða.
Viltu kyrrð og ró? Farðu í smábæinn Pianello del Lario og baðaðu þig í fegurð og ró.
Færðu ekki nóg af glæsileikanum? Kíktu í Villa Melzi sem er staðsett í perlunni Bellagio. 
Viltu almennilegt sólbað? Strendurnar í kringum vatnið eru allar æði. Við mælum með sundspretti í vatninu.

Hvað er innifalið í ferðinni

Flug

Beint Flug með Wizz air, innifalin taska allt að 20kg og 10kg handfarangur

Flogið út

Brottför fimmtudaginn 22. september  kl 18:05 og áætluð lending í Milano er kl 00:20

Flogið heim

Heimför mánudaginn 25. september kl 14:40 frá Milano til Keflavík og lent um kl 17:05

Gisting

3 nætur á 4 stjörnu hóteli, morgunverður innifalinn, wifi og borgarskatturinn (6€ á mann per nótt).

Rútur

Rútuferðir til og frá flugvelli ca 45 mín akstur

Farastjórn

Sé þess óskað - gegn gjaldi. 

Ferðalóttó Tripical

Við viljum magna upp stemninguna fyrir brottför með því að draga út heppið par sem fær óvæntan glaðning frá 
Tripical í ferðinni

Hótel

NH Lecco Pontevecchio
****

NH Lecco Pontevecchio býður upp á útsýni yfir Como-vatn, sem er 100 metra í burtu. Gististaðurinn er í 5 mínútna göngufjarlægð frá sögulegum miðbæ Lecco, og í 10 mínútna göngufjarlægð frá lestarstöðinni. Boðið er upp á herbergi með klassískum innréttingum, ókeypis WiFi, gervihnattasjónvarpi og minibar.

Herbergin eru skreytt með hlutlausum litum. Þau eru með loftkælingu og sérbaðherbergi með hárþurrku.

Á Pontevecchio er veitingastaður sem framreiðir svæðisbundna og þjóðlega matargerð. Morgunverðarhlaðborð er borið fram í glæsilegu herbergi með viðargólfum.

Á hótelinu er einnig hægt að leiga rafmagnsreiðhjól og þar er einnig reiðhjólaherbergi sem er með aukaaðstöðu á borð við reiðhjólapumpu og verkfærum fyrir reiðhjólaviðgerðir.

Hótelið er 11 km frá Lecco-golfklúbbnum, en aðalhöfnin er 5 km frá hótelinu. Svæðið er tilvalið fyrir gönguferðir og hjólreiðar.

Hótelið fær heildareinkunn 8,5 og 8,7 fyrir staðsetningu á booking.com 

Verðin

155 990 kr

Á mann í tvíbýli

50 000 kr

auka fyrir einbýli

Tilboðið miðast við 50 manns og gengi dagsins. Ekki hefur verið tekið frá flug eða hótel fyrir hópinn.