The Hague

28. - 30. júní 2023

Hrífandi borg, skreytt gömlum heillandi hverfum, stórbrotnum byggingum og blómlegum almenningsgörðum. Hér er lífleg menning, skemmtun og gleði.
Gangi þér allt í Haag!

Í Haag er aðsetur hollenska þingsins en auk þess býr þar Willem-Alexanders Hollandskonungur. Þá er borgin þekkt sem dómstólaborg heimsins, þar starfrækja Sameinuðu þjóðirnar Alþjóðadómstólinn (ICJ) og Alþjóðaglæpadómstólinn (ICC), ásamt fjölda annarra alþjóðlegra stofnanna. Haag er þriðja stærsta borg Hollands og þar búa um 500.000 manns, en 700.000 sé héraðið allt tekið með. Þar hefur ferðamannaiðnaðurinn sótt í sig veðrið síðustu ár, og sífellt fleiri leggja leið sína þangað, enda býr borgin yfir miklum þokka og fegurð.

Haag er í ýmsu ólík stóru systur sinni Amsterdam og öðrum hollenskum borgum. Hún er af mörgum talin sú virðulegasta í landinu. Í stað hinna dæmigerðu hollensku endurreisnarhúsa frá 17. öld, standa þar 18. aldar stórhýsi í barrok og klassískum stíl. Í hjarta borgarinnar má finna mikið af sögulegum byggingum frá miðöldum og endur-

reisnartímanum. Rétt fyrir utan miðbæinn eru svo gríðarlega falleg hverfi í art nouvau stíl. Alls staðar eru svo hugguleg kaffihús og veitingastaðir, breiðar verslunargötur og síðast en ekki síst, falleg ströndin að Norðursjó.

Hvað er innifalið í ferðinni

Flug

Flug fram og til baka með Icelandair til Amsterdam, 1 innrituð taska 23 kg og handfarangur

Brottför

Brottför 28. Júníl frá Keflavík kl. 07:40, lent í Amsterdam kl. 12:55

Heimkoma

Heimför 30. júní frá Amsterdam 14:10, lent í Keflavík 15:25

Gisting

2 nætur á 4 stjörnu hóteli - Innifalið er morgunverður og wi-fi

Rútur

Rútuferðir til og frá flugvelli

Rúta tekur um 1 klst

Farastjórn

Sé þess óskað - Gegn gjaldi

Hvað er hægt að gera í Haag

The Pier Skyview býður upp á útsýnisferð í risa parísarhjóli.

Ein elsta gatan í Haag er Molenstraat. Skemmtileg til göngu.

Scheweningen Beach Speedboat Tour er vægast sagt hressandi skemmtun.

Í Panorama Mesdag Museum er áhrifarík og flott sýning með risamálverki sem sýnir forna tíð.

Kloosterbrouwerij Haagsche Broeder. Bjórgerð í munkaklaustri. Mögnuð upplifun!

Planet Jump er trampólíngarður, og hann er staðsettur í kirkju. Athyglisvert!

Hótel

Bilderberg Parkhotel Rotterdam
****

Fjögurra stjörnu vel staðsett hótel aðeins 800 m frá Erasmus Medisch kjarnanum og við hlið Boijmans Van Beuningen safninu. Í göngufæri er úrval verslana, veitingastaða og bara. Á hótelinu er tveggja Michelin stjörnu veitingastaður sem fær frábæra dóma. Einnig er bar á hótelinu.

Hótelið fær heildareinkunn 8,5 og 9,2 fyrir staðsetningu á booking.com