Jötunheimar fara til Osló
24-28.04.2024

Er ekki kominn tími til að heilsa upp á norska náfrændur okkar og frænkur, og skoða þeirra skemmtilegu höfuðborg, Osló? Slík heimsókn mun koma þér skemmtilega á óvart!

Neðst í Noregi, í botni Oslóarfjarðar, stendur Oslóborg, með haf á eina hlið, fögur fjöll og grænar hæðir á hinar. Hún hlaut borgarréttindi í lok Víkingatímans um 1040, og bar þá nafnið Ánslo, en varð í kringum 1300 að höfuðborg Norðmanna. Hún varð eldi að bráð og eyðilagðist mikið árið 1624, en var endur-byggð á nýjum stað og hét Christiania, í höfuð ríkjandi kóngs, Kristjáns IV. Því nafni hélt hún allt til ársins 1925.

Oslo er nútímaleg heimsborg, og hefur lengi verið mjög ofarlega á listum yfir borgir Evrópu með mestu lífsgæði.

Á sumrin ríkir þar þægilegur sumarhiti, en á veturna getur orðið kalt, og tilvalið að skella sér á skíði.

Oslo er mjög græn borg, snemma á vorin byrjar gróður að blómstra og hinir fjölmörgu almenningsgarðar og skógar í nágrenninu skarta sínu fegursta. Þar er tilvalið að ganga um í góðu veðri, eða fá sér hjólatúr, en hjólaaðgengi er afar gott í borginni.

Hægt er að mæla með hverfum eins og Frogner og Fagerborg, þar er að finna fallegar og sjarmerandi byggingar. Þá er svæðið við Holmenkollen mjög vinsælt árið um kring, á sumrin fyrir gönguferðir og á veturna til gönguskíðaiðkunar,

Miðbærinn býður svo auðvitað upp á mikið úrval af veitinga- og skemmtistöðum af ýmsu tagi.

Hvað er innifalið í ferðinni

Flug

Beint flug með Icelandair, 1 innritaðri 23 kg tösku og handfarangur

Brottför

Brottför 24.04.2024 frá Keflavík kl. 07:50, lent í Osló kl. 12:35

Heimför

Heimför 28.04.2024 frá Osló kl. 13:50, lent í Keflavík kl. 14:45

Gisting

4 nætur á 3- 4* stjörnu hóteli. Innifalið er morgunverður og wi-fi.

Rútur

Rútuferðir til og frá flugvelli í Osló og á fræðslustaði. Skipulögð fræðsludagskrá.

Farastjórn

1 skemmtilegur og óendanlega hjálpfús fararstjóri.

Hvað er hægt að gera í Osló

Fyrir safnaþyrsta er mjög sniðugt að fá sér svokallaðan Oslo passa sem veitir aðgang að öllum helstu söfnum borgarinnar

Áhugafólk um gömul skandinavísk timburhús ættu að kíkja í hverfi eins og Kampen, Vålerenga, Rodeløka og Telthusbakken

Víða í kringum Osló eru vötn sem hægt er að synda í á sumrin

Hinn fallegi Slottsparken umlykur konungshöllina og er kjörið göngusvæði

Grünnerløkka er mjög skemmtilegt hverfi með alls kyns börum og veitingastöðum

Norðmenn eru stoltir af sínum pylsum - ekki úr vegi að smakka og bera saman við Bæjarins bestu!

Hótel

Park Inn by Radisson Oslo
eða sambærilegt
***

Þetta hótel er í 3 mínútna göngufjarlægð frá aðalverslunargötu Óslóar, Karl Johans Gate. Það býður upp á ókeypis WiFi og björt herbergi með snjallsjónvarpi og upphituðu baðherbergisgólfi. Sum herbergin eru einnig með te/kaffiaðstöðu.

Park Inn by Radisson Oslo býður upp á daglegt morgunverðarhlaðborð.

Stórþingið í Noregi er í 250 metra fjarlægð. Park Inn by Radisson Oslo er í 8 mínútna göngufjarlægð frá aðallestarstöð Oslóar.

Hótelið fær heildareinkunn 8,1 og 9,3 fyrir staðsetningu á booking.com